قصيدة هـاشم مـا كفاها اللّوم واتـجـرد صـوارمها

هـاشم  مـا كفاها اللّوم      واتـجـرد  صـوارمها او  تغزي ابخيلها الكوفه      او تـطلب ثـار مسلمها  يـشهام هـظم مـسلمكم      مـثله ما سده او لا صار لـمن  غـدرته الـكوفه      او ضـل ما بينها محتار مـا يدري الوجه لا وين      يـنطيه  او يطب يا دار  يمشي او فلك فكره ايدور      لاچن خـاطره مـكسور لـمن  شـافله مـعمور      تـم  مـوچب على بابه او نـار الهضم يضرمها طـلعت جاريه من الدار      موچب شافته اعلى الباب رادت  تگرب اتـنـشده      لاچن غـدت منه اتهاب لـمـن  شـافها مـسلم      من  عدها الگلب مرتاب

گاللها  اريــدن مــاي      حـرّ  العطش فت احشاي گالـتله ابـوسط عـيناي  جـابتله او شـرب مـنه      او صـارت وگفـته يمها گالـتـله ارشـد ابـنيتك      مـوچب لا تضل عالباب تـدري الـحرم مـا تمّن      او مـن الأجـنبي ترتاب شـوف  الـليل بـعيوني      ذبله اعلى الوسيعه احجاب گالـتـله هـلك چاويـن      گاللها هـلـي ابـعـيدين مـسلم  وابـن عم حسين بـيـه غـدرت الـكوفه      او  طـاحت لـعد ظالمها لـمـن عـرفـته مـسلم      صـاحت يـاهله اوحيّاك يـبو طـاهر بماي العين      انـه اوكـل هـلي نفداك