ابيات شعرية نصاريات للامام الكاظم

ابيات  شعرية  نصاريات للامام الكاظم

شال اجنازته اعله اربع حماميل      فـوگ الجسر تتفرج الصوبين

(مجردات)

اتـمنيت لـن اولاد عـدنان      يـشوفون هظمة عالي الشان او  يـسوون له ابغداد ميدان      او يشيلون نعشه شيوخ شبان لا يـظل مـثل البات عريان      جسمه او راسه ابراس السنان او  خواته يسر راحن الكوفان

(أبوذية)

گوموا  شيعوا ابن جعفر ويانه      املاك  البالسمه صاحت ويانه ولا  راح الـهله طارش ويانه      غريب اعله الجسر جثته رميه

نصاري

ألف يا حيف ألف واكثر وسافه      يظل نعشك على جسر الرصافه وطـبيب  الگلب ابچفك وشافه      ايگول  اولا عشيره الهاذ تظهر

(هجري)

وگف  يـم اجـنازته ابن سويد وياه الطبيب      شـال  كف ايده او شمه وارتفع منه النحيب گال  هـذا مـن عـشيره لو ابلدتكم غريب      إن كان تسأل عن سبب موته تره بالسم گضه

(نصاري)

او لن امن الگصر مشرف سليمان      نـعش باب الحوايج لاح له اوبان يگلـهم  هـالجنازة ما لها اعوان      غـريبه ولا وراهـا ناس يمشون گالـوله  غـريب اهـله إمبينين      لاكـن بـالمدينه إعـليه ابعيدين ابـن  عـمك الكاظم گال هالحين      دروحوا جيبوا نعشه اولا تخافون وابـمفرگ  طرقها اعليه ناده      هـذا  الطيب او طيبه اجداده او سوه ابعكس ما هارون راده      نادى  اعليه هذا البيه تنجون الـنسب  والرحم لسليمان جابه      عليه او دحچته اهروش النجابه بـس لـحسين مـا بين گرابه      يـغسلونه او يچفونه او يدفنون